第三章

行山記

“喂，行得未啊！？”，阿輝喺大門口吹我，

“得啦，嚟緊囉，”，我喺房度慢條斯理行出嚟，

“又係你話想跟埋嚟，依家最慢嗰個又係你，強哥佢哋一早喺樓下餐廳等緊啦，”，阿輝挨住度已經開咗o既大門，手指督住隻錶，個樣好似好趕咁，

“依家咪行囉，走喇！”，我喺佢面前經過，喺佢面上錫咗啖，行咗出門口，

阿輝平時放假好鐘意同啲朋友去行山，今日阿輝又約咗啲行山友一齊行山，我見今日又無樣做，突然好想跟埋去，所以就一早起身跟埋佢哋出嚟，

落到樓下，阿輝拖住我，急急腳向住餐廳方向行去，一到餐廳門口，已經見到強哥同細明坐咗喺裡面卡位傾緊計，而且檯面已經有兩份早餐擺好喺度，

強哥最先見到我哋兩個入嚟，“喂，呢邊啊，”，強哥係阿輝o既舊同事，做開廚房o既，身形矮細，雖然結實但唔算大隻，真名裡頭又冇個強字，一開始我都唔明點解佢哋叫佢強哥，問過阿輝，但阿輝只係含煳帶過，冇同我解釋清楚，我亦冇再追究，

細明背住我哋，見強哥向我哋打招呼，佢先側側地頭偷望咗我哋一下，又揼返低頭啜飲佢面前o既凍檸茶，阿輝話過俾我知，細明份人好慢熱，但熟絡咗會變得好好傾，佢係強哥啲朋友，阿輝都係因行山所以先識佢，

“唔好意思啊，要你哋等咁耐，”，阿輝雙手合十，向強哥佢哋表示抱歉，

Loading...

未載入完，嘗試【重新整理網頁】or【關閉小說模式】or【關閉廣告遮蔽】。

使用【Firefox瀏覽器】or【Chrome谷歌瀏覽器】開啟並收藏！

移動流量偶爾打不開，可以切換電信、聯通網路。

收藏網址：www.mobvista.cc

(＞人＜；)